Heb 8 | Ndebele | STEP | Ngakho isiqokoqela sezinto esazikhulumayo yikuthi : Silompristi omkhulu onje, owahlala ngakwesokunene sesihlalo sobukhosi soMkhulu emazulwini ,

1 Ngakho isiqokoqela sezinto esazikhulumayo yikuthi: Silompristi omkhulu ^a onje, owahlala ngakwesokunene ^b sesihlalo sobukhosi soMkhulu emazulwini ^c, 2 isikhonzi ^d sendawo ezingcwele ^{e
,} ^{▼▼ indawo ezingcwele: kumbe, izinto ezingcwele.} lesethabhanekele eliqotho ^g, iNkosi eyalimisayo ^h, njalo kungesimuntu; 3 ngoba wonke umpristi omkhulu umiselwe ukunikela iminikelo lemihlatshelo ⁱ; ngakho kuyadingeka ukuthi laye abe lakho okuthile angakunikela ^j. 4 Ngoba uba ubesemhlabeni, ubengeyikuba ngumpristi lakanye, ngoba bakhona abapristi abanikela iminikelo ngokomlayo ^k, 5 abakhonza isibonelo ^l lesithunzi sezinto zezulwini ^m, njengoMozisi elaywe nguNkulunkulu esezakwenza ithabhanekele ⁿ, ngoba wathi ^o: Qaphela ^p ukuthi wenze zonke izinto njengomfanekiso owaboniswa wona entabeni. 6 Kodwa khathesi-ke uzuze inkonzo ^q enhle kakhulu ^r, njengalokhu laye engumlamuli ^s wesivumelwano ^{t
,} ^{▼▼ isivumelwano: kumbe, ithestamente.} esingcono ^v, esimiswe phezu ^w kwezithembiso ezingcono ^x.

7 Ngoba uba lesosivumelwano esakuqala besingasoleki, bekungayikudingwa indawo yesesibili ^y. 8 Ngoba ebasola uthi ^z: Khangela insuku ziyeza, kutsho iNkosi ^aa, njalo ngizakwenza isivumelwano esitsha lendlu kaIsrayeli lendlu kaJuda; 9 esingenjengesivumelwano engasenza laboyise ^ab mhla ngibabamba ngesandla ukubakhupha elizweni leGibhithe; ngoba bona kabahlalanga esivumelwaneni sami, lami kangibananzanga, itsho iNkosi ^ac. 10 Ngoba yilesi ^ad isivumelwano ^ae engizavumelana ngaso lendlu kaIsrayeli emva kwalezonsuku, itsho iNkosi, ngizafaka ^{▼▼ ngizafaka: kumbe, ngizakupha.} imilayo yami engqondweni yabo, lenhliziyweni ^{▼▼ lenhliziyweni: kumbe, laphezu kwenhliziyo.} zabo ngiyibhale; ngibe nguNkulunkulu kubo, bona-ke bazakuba ngabantu kimi. 11 Njalo kabayikufundisa ngulowo lalowo umakhelwane wakhe, njalo ngulowo lalowo umfowabo, esithi: Yazi iNkosi; ngoba bonke bazangazi, kusukela komncinyane wabo kuze kufike komkhulu wabo ^ah. 12 Ngoba ngizakuba lesihawu ekungalungini kwabo, lezono zabo lobubi babo kangisayikukukhumbula ^ai. 13 Ngokuthi: Isivumelwano esitsha, senze esokuqala saba ngesigugileyo. Njalo osekugugile lokudala sekuseduze lokunyamalala ^aj.